Լեռը գտնվում է Սևանա լճի հյուսիսարևելյան ափին: Լեռան բարձրությունը 2461 մետր է: Նրա վերելքը՝ որպես լեռանային տուրիզմի երթուղի համեմատաբար թեթև է, իսկ գագաթից բացվող տեսարանը՝ անմոռանալի: Արտանիշի գագաթը միակ վայրն է, որտեղից Սևանա լիճը երևում է ամբողջությամբ ու մոտիկից:

Հատիս լեռը հրաբխային սարավանդ է: Բարձրությունը 2528 մետր է: Այն կոնաձև հրաբխային զանգված է: Կան ժայռոտ ելուստներ: Կազմված է պալեոգենի լավաներից և պեռլիտից: Հարավային ստորոտից սկիզբ են առնում Քառասունակն աղբյուրներ:

Այս ձորը իր համանուն հանգստավայրերով գտնվում է Հրազդան գետի գեղատեսիլ կիրճում: Այն հիմնված է աղի հանքային աղբյուրների բուժիչ հատկությունների վրա: Ձորի լանջերը պատված են անտառներով ու դարավանդներով:

Ձորը ձգվում է Ազատ գետի և Ազատի վտակ՝ Գողթի երկայնքով: Այն նշանավոր է իր հիասքանչ արհեստական թվացող ժայռերով, որոնք կազմված են կանոնավոր վեցանկյուն գլաններից: Վերջիններս ձգվում են ստորոտից մինչև ձորի գլուխը և ստացել են << քարե սիմֆոնիա >> անվանումը:

Արագածը Հայաստանի ամենաբարձր լեռն է, իսկ հայկական լեռնաշխարհում չորրորդն է : Լեռն ունի 4 գագաթ: Գագաթներից ամենաբարձրը հյուսիսայինն է՝ 4030 մետր, իսկ հյուսիսարևմտյանը 4080 մետր է, արևելյանը՝ 3916 մետր, հարավայինը 3873 մետր: Ստորոտի եզրագծի երկարությունը 200 կմ է: Գագաթների միջև ընկած է 350 մետր խորությամբ և 3 կմ լայնությամբ հատված, որը հարավարևելյան կողմի հորիզոնի բացվածքով կապվում է շրջապատին:

Լեռը գտնվում է Հրազդան և Քասախ գետերի միջև: Բարձրությունը 2577 մետր: Լեռն ունի անկանոն կոնի ձև՝ հատած գագաթով և օղակաձև խառնարանով: Գագաթի արևմտյան մասում կան ցցվող ժայռազանգվածներ, որոնք միասին կոչվում են աքլորաքար: Այստեղ ժայռի մեջ խորանում է մի քարանձավ, որը անվանում են Կույս Վարվարայի անապատ:

Լաստիվերը Տավուշի ամենահիասքանչ վայրերից մեկն է: Գենոքավան գյուղից անտառապատ ձորի եզրով ձգվում է Լաստիվեր քարանձավը՝ հեռավոր նախնիների քարանձավը, որից հետո շարունակվում են ջրվեժները,՝ ակտիվ հանգիստ անցկացնելու և զմայլվելու հիասքանչ տեսարանները: Լաստիվեր , Սեւան , ՍԵւանավանք; Տուրերն իրականացվում են ամեն օր Երեւանից; Մեկնարկը 07;00 Երեվանից; տուրն իր մեջ ներառում է ․․տրանսպորտային ծառայություն ․․գիդ-ուղեկցորդի ծառայություն գինը ՝5500դրամ։

Գեղամա լեռնաշղթան գտնվում է Սևանա լճից արևմուտք: Բարձր գագաթներն են Մեծ Աժդահակը՝3598 մետր, Սպիտակասարը՝ 3555 մետր, Գեղասարը՝ 3443 մետր, Ակնասար՝ 3258 մետր և Սև կատարը՝ 3225 մետր: Այս լեռնաշղթայի արևմտյան լանջը հայտնի է Հատիս լեռով, Գութանասարով: Հարավ- արևմուտքում անջատվում է Ողջաբերդի լեռնաբազուկը: Արևելքում լանջերին ձուլվում են մերձաևելյան լավային սարավանդները: Այստեղ պահպանվել են անթրոպոգենի թարմ հրաբուխներ:

Երանոսը լեռնագագթ է Հայստանի Հանրապետության Արարատի մարզի հյուսիսային եզրի մոտ՝ Երանոսի լեռնաշղթայի արևմտյան մասում՝ Լանջազատ գյուղից 8 կմ դեպի հյուսիս-արևելք: Այս լեռը ծագմամբ ծալքաբեկորային է: Բարձրությունը 1823 մետր է: Լանջերը՝ բացառությամբ արևելյանի, զառիթափային են, մոտ 40 աստիճան և ավելի: Հյուսիս-արևմտյան լանջը 750 մետր բարձրությամբ քարափ է, որը իջնում է դեպի Ազատ գետի հովիտը:

Նորավանքում կան մի շարք քարայրներ, որոնք Վայոց Ձորի քարանձավների ընդարձակ ցանցերի մի մասն են: Այս շրջանի բնությունը բազմազան է: Տարածքը հայտնի է իր հազվագյուտ վայրի քարանձավով: Այստեղ կարելի է հանդիպել հանրապետության ամենաարժեքավոր ու վտանգված կենդանիներից մեկին՝ կովկասյան ընձայռուծին: